ქალების შრომის უსაფრთხოების ინსტიტუციური მექანიზმები სამოქალაქო ავიაციის სამუშაო სივრცეში – საერთაშორისო გამოცდილება
Article Sidebar
Main Article Content
ანოტაცია
წინამდებარე კვლევის მიზანია შესწავლილ იქნას სამოქალაქო ავიაციის ინდუსტრიაში შრომის უსაფრთხოებისა და ჯანმრთელობის დაცვის (OSH) ფარგლებში რისკების იდენტიფიცირებისა და შემდგომ მართვის ძირითადი გამოწვევები. ავიაციის ოპერაციები ხასიათდება მაღალი სიჩქარით, სირთულით და მუდმივი ცვლილებებით, რაც დამატებით აძნელებს საფრთხის იდენტიფიცირებას და ეფექტური რისკ-მენეჯმენტის განხორციელებას. კვლევა ცდილობს განსაზღვროს ორგანიზაციული პრაქტიკა, რომელიც გამოიყენება საფრთხეების ამოცნობისა და რისკების მართვის პროცესში. კვლევის ფარგლებში ფორმირდება შემთხვევის ანალიზი, რომელიც ასახავს ადამიანის ფაქტორის, ტექნოლოგიური ცვლილებების, მომზადების სისტემისა და რეგულაციების ურთიერთ გადაჯაჭვულობას, რაც ხშირად ხელს უშლის შრომის უსაფრთხოების ეფექტიანად უზრუნველყოფას. საბოლოოდ, კვლევის მიზანია გააშუქოს ისეთი პროაქტიური და ინტეგრირებული მიდგომები, რომლებიც უზრუნველყოფს დასაქმებულთა უსაფრთხოებას წარმადობის შემცირების გარეშე.
კვლევამ გამოავლინა, რომ სამოქალაქო ავიაციაში ერთ-ერთი მთავარი სირთულე საფრთხეების სრულყოფილი იდენტიფიცირების შესაძლებლობაა, რაც განპირობებულია თვით სამუშაო გარემოს მუდმივი ცვალებადობითა და რთული სტრუქტურით. აღსანიშნავია რისკების აღქმის პროცესში არსებული კოგნიტური მიკერძოება, ფუნქციურ რგოლებს შორის კომუნიკაციის არაეფექტიანობა და ტექნოლოგიური ცვლილებების სწრაფი ტემპი. ეს პრობლემები კიდევ უფრო მძაფრდება რეგულაციებთან შესაბამისობის ნაკლებობით, არასრულფასოვანი სწავლებითა და არასისტემური ინციდენტების აღრიცხვის მექანიზმებით. კვლევა ხაზს უსვამს შრომის უსაფრთხოების რისკების მართვის გააქტიურებისა და გაერთიანებული სტრატეგიების დანერგვის აუცილებლობას, რაც მოიცავს განყოფილებებს შორის კოორდინაციას, მუდმივ ტრენინგებსა და კომუნიკაციის გაუმჯობესებულ არხებს. ეფექტური OSH პოლიტიკის უზრუნველსაყოფად აუცილებელია აღნიშნული გამოწვევების გათვალისწინება და სისტემური მიდგომების დანერგვა, რაც განაპირობებს როგორც შრომის უსაფრთხოების გაუმჯობესებას, ისე რეგულაციებთან სრულ შესაბამისობას.